جميع حقوق النشر محفوظة

من إبداعات الشاعر محمد جمال .. قصيدة بعنوان “الحزن ما بيوصلش”.

شعر

قصيدة بعنوان “الحزن ما بيوصلش” من إبداعات الشاعر محمد جمال أحد شباب 15 مايو المبدعين ..إستمررًا للخدمة التي أطلقناها “إبداعات” لنشر إبداعات شباب حلوان في جميع المجالات.

فين كتافي من الزمان يا قطر

يا مزمر يا عمر

يا قلقان في عيونك الاخر

و ف جيبك الانسان

سلمت ع الدنيا

ورحلت مش فاهم

بتقوللي انساهم

في الذاكرة النسيان

بتميل الكفة علي نصك الغرقان

اهرب معاك للريح

وعيني اخرها فسيح

بعزف ايدين ضايعين

كان فيهم المفاتيح

وبغني وأنا ماشي

وكأن شئ محصلش

الناس حزينة كدا و الحزن مبيوصلش

السلم الممدود لركاب المحطة

جمع ما بينهم والمشاعر والسؤال

عام النصيب في القلب وكسانا المكان

دمعة وصول تسأل عن العمر اللي كان وخلص خلاص

اربع مساكن جوا جسمي هاددهم التفتيش

ومفيش غير الاحزان

قاسمة الصور لانصاص

لازم هتكنسهم حقيقة في يوم علشان الاقي سنين

علشان اسيب القطر

وامشي بدل ما وقفني الحنين

التعلقات

جميع حقوق النشر محفوظة
التخطي إلى شريط الأدوات