جميع حقوق النشر محفوظة

قصيدة جديدة من إبداعات الشاعر عبدالله سامي «للبُعد طاقة هلوسة»

قصيدة

الشاعر عبدالله سامي

إستمررًا للخدمة التي أطلقتها «شبكة حلوان أون لاين الإخبارية» “إبداعات” لنشر إبداعات شباب حلوان في جميع المجالات .. يواصل الشاعر عبدالله سامي إبداعاته بقصيدة جديدة تحت عنوان “للبُعد طاقة هلوسة”.

 

شوفتك

فى نور السما

فى أمواج لحن فيروز ضِلّ

فى ضىّ صاب القمر

وان فجأة صابه البُعد

راح أشوف

– فى نجم بيحتمى بالظلام –

ضيِّك مبقَّع قسوة الغامق
فى القهوة بالقى الوش وشِّك

بابتسمله

وبيتِّهمنى البن انى اجنّ من ظابط

ما رقصش ويا القهوة بالدخان

كان برضو بيشوف وشهَّا انسان

كان يوم رقص ويَّاها

على لحن فولتات كهربا

والصفع

والتهديد

وكسر وزن النور

ظابط

بيملك ايه من الدنيا

غير زعيق والسور

كان يدلق القهوة اللي بتفكَّر

ويصلي متنكَّر

ويشوف علي السجادة

شحنة ألم معصور
بيتِّهمني البن دايمًا بالجنون

وانتي بتعاقبيني

بالبُعد والقسمة

فينك

العمر بينتهى

وانتى انسحبتى بخفة النسمة

وتركتى دمك يجرى فيا مازال

عبيتى روحى حبال

وشديتى الفراغ

سايبالى على خد الأمل

طعنات تداوى الجبل وتهده إذ حبت

فينك يا حلم الندر يتوفَّي

يا حالمة ان الغدر يتوفَّي

يا عتاب بريئ للظلم مش بيسود

فينك يا نور القفص

حلمان يهد ضلوعه ببريقه

لجلن يتيح حق الطيور ف الطير

ليه تحبسينى ف رنة التليفون !
يا أصح حاجه عملتها فى السر

انا ياما كنت اضرب فؤادى

لما كان يكتب كلام يظهر على صدرى

خبيت عشان خوفت الحسد

يصطادنا من ع الغصن

غنيت عشانك اغنيات الحضن

وبنيت فى عب السما

مطرح يساع قلبين

يالمع عين بالدمع وقت الفرح

يا خد يشبه حَمَار الشمس

فعراك صبح

يا رمح صاب بهجتى زادت وهج بالرمح

فينك يا رنِّة قمر صحِّتنى للقهوة

لم انتبه للعمر غير لو تقولى انا جيت

وان لم

فالشعر مفتوح مقابر للى مثلى كتير

 

من كتاباته أيضًا:  قصيدة بعنوان “للشُّعرا” – قصيدة بعنوان “القهاوي”

www.facebook.com/ibuyeg

التعلقات

جميع حقوق النشر محفوظة
التخطي إلى شريط الأدوات