جميع حقوق النشر محفوظة

السجن 15 سنة، وغرامة ١٠٠ ألف جنيه .. لمن يضبط متلبسًا فى إعطاء «الدروس الخصوصية»

الدروس الخصوصية

وزير التربية والتعليم

انتهت لجنة إعداد مشروع قانون «تجريم الدروس الخصوصية» من إعداده، فى انتظار إحالته كاملاً إلى «لجنة التعليم بمجلس النواب»، و ذلك لمناقشته، فى الجلسة الأولى للجنة، بعد اختيار أعضائها، وانتخاب رئيسيها ووكيليها.وتتضمن المسودة النهائية لمشروع القانون، الذى أعده مجموعة من خبراء القانون، ورئيس الشئون القانونية بوزارة التربية والتعليم، وعدد من خبراء التعليم، تحت إشراف مستشار رئيس الجمهورية لشئون التعليم، معاقبة من يضبط متلبسًا فى إعطاء «الدروس الخصوصية»، بالسجن من ٥ إلى ١٥ سنة، وغرامة من ١٠ إلى ١٠٠ ألف جنيه.

فيمَ حددت اللجنة من تنطبق عليهم العقوبة السابقة فى المدرسين الذين يدرسون فى المدارس الحكومية، وحاصلين على الترقيات التى تبدأ من «معلم مساعد» وتنتهى بـ «كبير معلمين»، إضافة إلى مديرى المدارس، أو الموجهين على المعاش، على ألا تنطبق تلك العقوبة، على المدارس الخاصة، و معلمى الحكومة الذين يدرسون بنظامى الحصة أو المكافأة.

وكشفت مصادر مطلعة بالوزارة، أن القانون الجديد يمنح مديرى المدارس، والإدارات والمديريات التعليمية، الضبطية القضائية، كما لا يمنع ضبط المعلم، حال تقديم فيديو له، عن طريق أى مواطن.

41 تعليق

  1. ضياء شديد

    بتضحكوا علي نفسكم !!!

    هوه ده إللي قدرتم عليه

    مين مش بيدي دروس يا عباقرة إدارة الأزمة ؟

    بيدوا دروس ليه يا اساتذة ؟

    مش مكسوفين منكم .

  2. هى المشكلة فى الدروس الخصوصية !!!!
    المشكلة فى الحشو الممنهج فى كل المناهج الدراسية
    المشكلة فى الكتب المدرسية التى لا تفتح نهائيا ويت الاعتماد على الكتاب الخارجى المنظم فى عرض المنهج الدراسى
    انقذو الشعب من مافيا وزارة التربية والتعليم ومؤلفى الكتب الخارجية الحريصين كل الحرص على ابقاء المناهج بكل ما فيها من حشو لا يفيد من اجل مبيعات الكتب الخارجية والتى يستفيد منها مافيا التعليم داخل الوزارة
    انقذوا الشعب من اشياء اخرى كثيرة تعيق العملية التعليمية اخرها هى الظروس الخصوصية

  3. فينيس فهمى

    الدروس الخصوصية مش هى المشكلة .. المشكلة فى منظومة متخلفة عملت منهج جدييد والمدرسين مش عارفين يدرسوه
    المشكلة فى مناهج عربى متخلفة وقصص عربية اكثر تخلف
    قبل ماتحارب الدروس اختار عقول متفتحة مش متخلفة لتض
    ع اساس لمنظومة التعليم التى لي لها اساس

  4. ههههههههههههههههههه انزل اي محافظه
    وأنزل قرى ارياف ومراكز من الساعة 2وانت تشوف بعينك

  5. عصام الدين

    قبل ما تسجن المدرسين وتخرب بيوتهم نبطل التخلف ونعالج المشكلة بالعلم والعقل مثلا أدي المدرس مرتب زي مرتب القضاه مثلا وبعدين إعدموا لو إدى درس لكن تديلوا 1000 جنية وهو عندة عيال وساكن في شقة بالإيجار وبيدفع مصاريف مدارس لولاده وبيوكلهم منين هيعيش المدرس حياة كريمة بلا عقدة طبقية وشايف مذيعين بيقولوا أي كلام وبياخدوا ملايين ولاعبين كورة وموظفين بنوك بياخدوا ألاف مؤلفة أقف يا وزير التعليم مع المدرس مش ضده وعايز تظهر فتسجن 95 % من المدرسين بقرار متسرع أرعن لا يرعى الله ولا المحدودي الدخل ممن أنت رئيسهم المدافع عنهم

    • سلمت يداك و اراءك المحترمة

    • سلما يداك عصام فعلا هوة دة الكلام المضبوط لان المعلمين هم من يقوموا بتربية وعلم اجيال المستقبل

  6. ياجدعان شوفوا الاول مين رئيس مجلس الاداره وبعدين اقرأوا الخبر دي من ضمن مخطط صحف الاقاليم

  7. احلى حاجة في القانون ده ان معاه ثغراتة

  8. فرج الفقي المحامي بشرم الشيخ

    وعقوبة بعض المدرسين المستهترين الذين يقضوا وقت الحصة في الدردشة الصوتية والكتابية…….تكون ايه.؟؟؟؟؟؟

  9. هى دى اخرت المعلم اللى علم دول ازاى يكونو ا اصحاب قرار هو ده فساد الدوله

  10. ههههههههههههههههخخخخخخخخخخههههههههههخخخخخخخخخححححححححح دان الرد

  11. بالزمة مش مكسوفين على دمكم قبل ما تفكرو ازاى تسجنوا المدرس الغلبان ال بيشتغل علشان يكفى عياله اكل وشرب و علاج وسكن ويقدر يقف بين طلابه بمظهر لائق فكروا ازاى تكفوا عياله ويسد ديونه كتكم ستين ارف ومجلس الشعب مستحيل هيوافق على المهزلة دى لان لو ده حصل هتصحوا المارد ال جوانا نايم من سنين وهو عارف ان مرتب المدرس المصرى اقل مرتب لمدرس على مستوى العالم انا عن نفسى اتسجن وماله بس بعد ما ده يحصل اطلع من السجن اديك طلقة من على باب بيتكم او من على باب الوزارة فوق يا حبيبى انت وهو وفكروا ازاى تعملوا زى انجيلا ميركل لما قالت للقضاه انتوا عايزين تتساوو بال علموكم وكفايه اوى ان امين الشرطة وغفير الدرج بيتقاضى مرتب اكثر من مرتب المعلم واستاذ الجامعه بمراحل

    • والله بجد لو جدعان لو اتوافق على القانون المتخلف ده ما حدش يدرس في اي مدرسة ولا يخش المدرسة أصلا وبكده هتقدرو تضغطو عليهم ويسمعو مطالبهم عشان هما متخلفين وشكل الوزير ده بيلعب في عداد عمره واستمراره في الوزارة

  12. السيد محمد السيد

    فين التعليم ما عاد فى مدرس من غير دروس خصوصيه
    وقولتو فى مجموعات فى المدرسه مين اللى هيفهم من الطلبه فى المجموعه اللى بيبقا فيها 60 طالب وبيحسبو الاداره على 10 طلاب ويقولو هما دول اللى بيخده مجموعه فين يا ريس الرقابه واللهى حرام الاهالى ما عادت مستحمله

  13. المجانين فى نعيم وسلملى على الترماى لما تبقوا تعرفوا تغطوا المدرس ما يكفى بيته ومصاريف اسرته وعلاجهم وايجار مسكنهم

  14. ياعم الحج دي طنطا بس كلها مدرسين خصوصي

  15. انتا فين يا هلالى والبلد كلها خربانة ابتداءا من المديريات التعليمية والادارات روح العب الاول

  16. والكلام ده هاينطبق برضه على الدكتور اللى فاتح عياده والمحامى اللى فاتح مكتب والمهندس اللى فاتح شركة والظابط اللى بيتاحر فى اى حاجة ولا على اولاد البطة السودة فقط .. اقيموا العدل الاجتماعى اولا ثم اسألوا عن سجن من علموكم

  17. قبل تنفيذ قانون زى ده{انا موافق عليه}يجب اصدار قوانين اخري
    #رفع اجر المدرس بما يتساوى مع القاضي والظابط في الدوله
    #تكليف المدرس بالعمل في المدارس الحكومية(مش اسيب المدرس من غير شغل واقول له لا تعطي دروس خصوصية امال هيعمل ايه)
    #محاسبة المدرس الذي يترك عمله لتوفير وقته للدروس الخصوصية
    #محاسبة المدرس علي نتيجة الطلبة في مادته او في فصله
    #فرض القيود علي الجامعات الخاصة والغائها في مجال الطب والهندسة
    لو تم ذلك اعتقد هيكون في صالح المدرس والمواطن ويرتفع مستوي معيشة الأسرة المصرية بمعدل 25% او يزيد، من توفير المصاريف علي تجارة الدروس الخصوصية ويرتفع قيمة المدرس ويرتفع مستوي التعليم الذي يعرف قيمته غالبية الشعب المصري

  18. انا معلم والله موافق بس حسن مرتب المعلم مش طمع لكن زي اقل واحد في اي وزارة تانيه مش 1000 ج ارحموا المعلم

  19. المشكلة مش فى الدروس المشكلة ايه اللى خلى فيه دروس اصلا … المدرس مضروب الجزم فبيحاول يعيش اينعم فيه منهم مفتريين بس كتير بردة غلابة بيكمل على مرتبة عشان يربى عياله و فى ظل البطيخ اللى احنا فيه حتلاقى القانون اطبق على دول و سابوا العتوله اللى هما السبب فى المشكلة اصلا .. انا مش مدرس بس احب اقول حسبى الله ونعم الوكيل

  20. احمد مصطفى

    المراكز وسيلة قذرة يتسارع لها الطلبة والطالبات للقاء الأحبة وبعض المدرسين يستغلون ذلك وأولياء الأمور غلابا مش عارفين حاجة والاولاد حجتهم أن المدرسين فى المدارس لايشرحون والموضة أن كل مدرس بيدفع لعيال يعملون دعاية بعبارة كل اللى بياخد معاه بيقول

  21. لواهين المعلم.. والمربي.. والأب… واهتزت مكانته عليه العوض في أولادنا وكسرنا الشموخ الذي هوقدوه لأبنائنا.. فهي مهنه الأنبياء.. وأكرم واعزله أن يعمل في ممجاله… خيرا من أن يعمل على تكتوك اواغير ذلك..لتحسين دخله ليعيش حياه كريمه وأسرته.. وتنهار القيمه والقامه التي توالى عليها الكثير من الوزراء الذين كانوا دائما يسعوا إلى مصلحه شخصيه من جلب الأموال من المجموعات المدرسيه والتي تصل لأموال ضخمة من مدارس الجمهورية دون النظر لمصالح الدولة والأجيال.. وترتب على ذلك انحدار الأخلاق الذي أصبح مشكلة العصر والسبب هو……… قص ريش المعلم فيصبح بدون حيله أمام الطالب أن أخطأ وأسأ السلوك وتنهار التربية ومن المستفيد من ذلك”…………. الله اعلم وفقكم الله لتدمير.. التعليم والمعلم.. والقيم والأخلاق… التى تزداد سواء نتيجة ثمار عملكم وسؤ تفكيركم وابتكاراتكم الحكيمه والرشيده التى اتابعها على مدار سنوات عديدة من خلالكم ومن خلال الأفلام الهابطة دون رقابة على الألفاظ والسلوك والفكر واخيرا وليس بآخر” لعن الله قوم ضاع الحق بينهم ” إنما الأمم الأخلاق مابقيت فإن هم ذهبت أخلاقهم ذهبوا…….. ؟؟؟؟؟؟؟؟؟؟؟؟؟؟

  22. وإذا كان من يعطى دروساً .. ليس مدرساً ولا من الهيئة التعليمية … مثلاً مدرسو مراكز الدروس الخصوصية

  23. السيد أحمد الشرقاوي

    ولاد وزير التعليم مش بياخدو درس؟
    وولاد الوزراء و أعضاء مجلس النواب مش برضه بياخدو درس
    وعملت إيه في مأساة ال17 الف سيده وأنسه مشردين في شرق البلاد وعربها؟و اللي بعضهم اإتصبت أو طلقت؟يا سلام ع العطاء ياولاد

  24. السيد أحمد الشرقاوي

    المدرس كان زمان يعطي درس مجاني
    كان الفصل من 30 الي40 طالب
    هل يعقل ان المدرس يعرف يشتغل في فصل اكترمن 100تلميذ يا حضرات؟
    وهل المدرسه تسافر 6 ساعات يوميا من و الي العامرية و أختها في الفيوم و ابوهم كان موجه أول مديرية في نفس المادهووملائهم اشتغلو باوراق مزوره وخريجي تربيه نوعيه واداب دفعات 2011-2012-2013بعقودمضروبه يشتغلو في الغربية وعملو زياده 937 علي مستوي المحافظه وبناتنا في سفر العفريت وهم اوائل ال إيه المسابقه إتعملت لسد العجز في مناطق العجز
    واللي مش عاجبه يسيبها لغيره

  25. السيد أحمد الشرقاوي

    يعني دفعة2007 في الفيوم ست ساعات سفر رايح وزيهم جايو الاولي علي بلدها ومعاها دبلوم تدريس ماده اكاديمي جيد جدا ودبلوم تدريس حاسب الي جيد جدا وICDLامتيازوجيدجدا في مسابقه عصر وتشتغل في الصعيد؟؟؟
    والتانيه في العامريه سايبه جوزها وطغلين و مهدده بالطلاق
    و الراتب يدوب السكن والمواصلات 6 ساعات سفر للعامريه ومثلهم في العودهيعني تاخد 1000 محتاجه ع الاقل 2000 وهي جعة2010؟
    واي قانون ده الخاص بالمسابقه
    و فين مواد7 و 8 و 10 بالدستور بخصوص لم الشمل و المرأه المعيله و المرأه المتزوجه والاسره اساس المجتمع…….الخ
    وهل القانون يجب الدستور أم العكس
    والمتعاقدين رجل علي رحل مع ان هذا محالف لقانون 155

  26. السيد أحمد الشرقاوي

    نداء للاب و الانسان الرئيس السيسي للتدخل لحل أزمة ال17 الف معذبه

  27. لا تحل مشكله بمشكله
    لان من اصدر قانون مثل هذا رتبو ليس بمثل راتب المعلم
    القانون المفترض يعاقب التقصير داخل الفصول وليس خارج المدارس
    كلنا نبحث عن مصادر اضافيه لا تكون حرام او غير كريمه
    فنرجو اعادة النظر بالقانون

  28. صلحوا الاول النظام و بعدين تبقوا تحطوا القوانين المناسبه … يا سادة

    قبل مايعمله قانون يوازي في عقوبته عقوبه القتل في ظرفها المخفف

    الاول يصلحوا الاول من حال المدارس و الطلبه و المدرسين و اختيار المدرسين بدقه و تطويرهم بحكمة و احتوائهم و تفهم جميع ثغرات مشاكلهم و محاربتها ..

    مراقبتهم و الاشراف عليهم الفجائي الدوري للتاكد من حسن سير العمليه التربوية و التعليميه و التنموية للذات البناءة خلقيا و تربويا و علميا باسلوب حضاري راقي ايجابي تشجيعي و الاهتمام اكتر بالطلبه و المدرسين و خلق المناخ التربوي و الاخلاقي و العلمي السليم مش العتيق الي ماليان يا اهمال يا مشاحنات يا يا الخ مناخ فاسد و أجواء زي الزفت …

    في الخليج المدرسات كانوا بيخلونا نفهم كويس اوي و نحل الواجب في المدرسه ادام عينيهم و تحت اشرافهم فصلي كان بيعدي الاربعين طالبه و مع ذلك كلنا كنا بنفهم كويس اويو بنحل و الي ماتعرفش بتروح للمس و تشرحالها على الدسك و تشرحهالنا على السبوره .. كانوا بيحببونا في المعلومه الي بناخدها فبتتحفر في وجداننا و عقلنا …و بيهتموا فينا و بنفهم حلو اوي كانوا بيسيطروا مش بزعيق بتغيير الاسلوب المفاجئ الصوت الحركه سؤالنا واحد واحد عشوائيا مكانوش بينسوا فينا واحدة كلنا كنا بنتسأل و بنصحح اسئله مفاجأه الخ حقيقي بحكمه .. متمرسين بروعه بضمير و حب بيحببونا في المعلومة و فيهم و في مدرستنا و بيزرعوا فينا الحب الدفء الشخصيه السوية و الانتماء …

    كنا بنعيط و بنبكي واحنا بنودع مدرستنا و مدرسينا لانهم بيخلقوا حالة حب و انتماء عجيبةو ترابط كل الي علينا لما نروح نحفظ المهم و بس

    انما هنا في كوكب مصر بيحتفلوا هيييه و فرقعه بمب خلصنا امتحانات اخدنا الاجازه لان نظام التعليم و العمليه التعليميه و التربويه السلبية بالنسبالنا او بالنسبالهم معاناه بكل ماتحملهالكلمه من معاني حقيقية .. عذاااااااااب ما بعده عذاب هنا في مصر !!!

    المدرسين بيقولوا عندنا 35 طالب في الفصل الحصة مش هاتكمل!!! هانشوف مين و لا مين انتم لو من اول حصه في العام الدراسي من اول سنه دراسيه دخلوها المدرسه حتى يوم التخرج من الثانويه اهتميتوا شويه بمشاعر الطلبه و مشاكلهم بجد !!

    مكنش المناخ هايكون نيله اوي و جحيم من قلب ال بركان بالشكل المأساوي ده التعليم بأه اسلوب من اساليب القهر و العذاب افقدتوا التعليم مغزاه الحقيقي ربيتوا الولاد علي الكره و الخوف طلعتم مجتمع فاشل اخلاقيا و تربويا و علميا …. بلا شخصية كله بيقلد كله تقليد اهبل اعمى

    في الخليج كانت بتكمل الحصص و بيكون فيها بركه لان العمليه التعليميه من الروضه حتى التانويه العامه كانت محكومه مش بالعصايه و الشخيط لا علمونا ازاي نحب بعض نحب مدرستنا نقوم مدرسيننا ايوه هناك الطالب الي مابيرتحش لمدرس لانه مش بيفهم منه او لانه ضربه كان بيترفد و بيجيبوا غيره و ده كان نادرا لان المدرسين هناك بيتم اختيارهم لكفائتهم تربويا و علميا و دائموا التطوير و صارموا العقوبات و الاشراف و المراقبة …

    و لانهم كانوا بيحببونا في بعضنا في مدرستنا و الاهم في مدرساتنا ..ف النتائج فعلا كانت مذهله الدرجات النهائيه.. و الاخلاق الرفيعة كنا بنات مهذبات راقيات مافيش بنت تشتم مفيش عنف و تنمر و انحطاط اخلاقي

    في مواد تأتينا كتبها من اكسفورد و الاخرى احسن طباعة احسن خامه و الوان جذابه جدا مع شريط كاسيت لكل ماده و الشرح باحدث الاساليب

    بالحب نجني ثمارنا و ليس بالاهمال

    حاجة تانيه

    للاسف هناك حالات لطلاب فعلا من يطالب بحصص اضافيه ممكن لانه لا يذهب للمدرسه اصلا لظروف ما كطلبه المنازل أو لصعوبه التركيز من ذوي صعوبات التعلم او الاعاقه او الفهم البطئ جدا من الطلبه المنتظمين …

    فما ال مانع من بعض الدروس للقادرين عليها زي الي عندهم صعوبات تعلم و يحتاج حصص له لوحده كي يفهم بدون سخريه او احساس بانه لا يفهم و غيره يفهم لان هذا شعور قاسي يفقدهم تركيزهم … او الي عندهم مشكله في مدرسيهم لا يفهموا منهم شيئا اما لعجهم عن توصيل المعلومه(نقص فيهم)يا اما يبعثون في الطلبه طاقه سالبيه تشتت التركيز و الانتباه(مشكله مدرس غير مؤهل تربويا) و اداره المدرسه نايمه على ودانها و لا بتبص لمشاكل ولادها الطلبه شاطره بس في الاهمال او التجاهل و القاء المسؤولية من عاتقها و بهدلة الاهل و العيال و تعذيبهم بسالبيتها الجوفاء … بان تحملها علي الطلبه او الاهل أو غالبا كلاهما!!!
    طب انتم معلش فين … و لزمتكم اي؟ الانذار و الشتم و الضرب و التملص من مسؤولياتكم انتم .. هيه دي المسؤوليه البتتملصوا منها
    و التربيه و التعليم

    أما الطلبه إلي معندهمش مشكله في انهم مش محتاجين ياخدوا لوحدهم و الي مش قادرين على الدروس ف تكون هناك حصص اضافيه لهم زي المجاميع باسعار رمزيه جدا و للحالات الخاصه بتعفى من المصاريف … و بيتوزع علينا مع الكتب قواميس عربي و انجلش و كشاكيل عليها علم الدوله و صوره الامير و مكتوب عليها بابا(اسم الامير)لزرع الانتماء الوطني في قلوب الاطفال … مش هنا عاوزين نهج من البلد

    في الخليج كان في تقيم المدرس من خلال الموجهين الي اسبوعيا بيجوا اكتر من مره فجائية لرصد اي خلل قد يكونو بيسألوا الطلبه هل بتفهموا كويس أو اي حد عنده مشكله حتي و لو كانت في البيت بيتابعوا مع اولياء الامور بقمه الاحترام و كل طالب يكتب ورقة لو له اي شكوى من اي نوع من اي شئ لو من اي مدرس ف المدرس بيتعدل او بترفده المدرسه اهم حاجة في الخليج و الغرب جوده التعليم فعليا مش بالورق و بس

    صلحوا الاول مدارسنا و اهلوا مدرسيننا و حببوا الطلبه فيهم و في بعضيهم من اول يوم مدرسه في حياتهم ليوم دخول الجامعة اخلقوا مناخ دافي كله حب و اهتمام و احترام واحتواء صحي و ليس مرضي ومعاناه حقيقيه و مأساه .. و خليهم مترابطين
    انا اول يوم ليه في مدارس مصر في اول حصة دسكات مكسره و زباله في كلحته( ماهو مافيش ولاء للمكان) و المدرسه تشتمنا اقبح الشتائم
    كان يوم نيله عليه خالص.. ياريتني ماجيت مصر ونا لسه جيالها و اول مره اتعرف عليها لاني لحسن حظي ولدت و ترعرعت و نشأت بالخارج
    و كنت متشوقة اشوف مصر بلدي و يا ريتنا ماجينا!!!

    نسيت انوه ان دور الخدمه الاجتماعيه و النفسيه و الطبية له دور اساسي لصحة العملية التوبويه و الخلقية و النفسيه و التعليميه للطلبه الي للاسف في المدارس المصريه زززززززززززززززززززززفت … زفت مع مرتبه القرف

    و الغريبه مش فاهمين بياخدوا جوايز و ترقيات روتينيه على ايه ؟؟ على اسس جوفاء لا تمت الا بالشكليات و ليس بالجوده التعليميه مش اي حد يعمل ماجستير و لا دكتوراه يبأة محترف عمليا قد يكون عمليا افشل الفاشلين و أسوء السيئين .. حقا ترقيات و جوايز قد لا يستحقونها …

    صلحوا الاول النظام و طوروه بصدق و بجد و بضمير و حكمه و بعدين حطوا القوانين يا ايها الساده .. انما تحطوا قوانين قاسيه جدا بدون اصلاح هذا هو الجهل بعينه ..

    و شرحه في الجامعات لا تدريب عملي واقعي للطلبه الي بيوازي سوق العمل في مجالهم هنا في مصر و مستشفى الطلبه و الاداره الطبيه زبالةةةة و أسوء معاناة هنا فقط في مصر :-

    الطلبه=مأساااااة و تقصير و إهمال( بكل المقاييس)سواء الجامعيين الشباب او التلاميذ الاطفال( لهم و لآبائهم)

    و بعدين تعالوا هنا سمعت انه قال على قناه تلفزيونية من صديقة ليه انهم هايبدؤوا الترم التاني الحد الي جاي
    الترم ده الي دايما كان بيبدأ اخر شهر اتنين
    في الجو ده هاتوتوا العيال حرام عليكم و كمان حتي مالحقوش و مالحقناش نشم حتى نفسنا

    الرجاء اعادة النظر في كل ماتقدم اعلاه
    و شكرا

    • هل سيطبق هذا علي معلبمي المعاهد الأزهرية ام لا مش هينطبق علي المعلمين في الازهر نرجو التوضيح مع الشكر

  29. زودوا رواتب المعلمين أولا وبعدين حاسبوهم وغيرو المناهج وشوفوا وضع المدارس عامل اية وبعدين اتكلموا
    حاجة تكسف !!!!!!!!!

  30. الله يحرقكم

    يعني المشكله ليست في الدروس الخصوصيه . المشكله اذا في المدرس يعني حرام عليه وحلال علي ناس تانيه يعني ممكن اي حد يعطي دروس خصوصيه ما عدا المدرس وبذلك نعطي فرصه للجهله الغير متخصصين انهم يعطو دروس لابنائنا اتفوووو عليكم

  31. عباء xعباء الفئه اللى سمحتلهم باعظاء الدروس هتسيطر وكانكم لن تفعلوا شى

  32. والله المفروض تبقى رفد وغرامه وسجن علشان المدرسيين اللى واخدنها تجاره وبيرهقوا اولياء الامور

  33. انا من بورسعيد ومحلى فى مبنى الفربور التجارى الذى تم بيع المحلات التجارية وأصبح سنتر للدروس وأفواج طالعة ونزلة بآلاف كل يوم والكل عارف فين بقا الشد والحزم على هذة السنترات

  34. انا مع القانون ولكن لابد من مساواة جميع العاملين بالدولة كاالاطباء المعينين في الحكومة وعلى درجه ماليه والصيادله المعينين في الدوله وعلى درجه ماليه والكميائيين المعينين في الدوله وعلى درجه ماليه ويفتحوا مراكز تحاليل والمهندسين المعينين في الدوله وعلى درجه ماليه ولديهم مراكز استشاريه هندسيه وعيرهم الذي يريد المساواه وفتح فرص عمل لغير العاملين بالدوله عليه ان يساوي الجميع كما عليه ان يساويهم ايضا في الدخل ويكون الهدف هو تحقيق العدالة الاجتماعيه والمساواه في فرص العمل والرقي في تقديم الخدمة للمواطن وسن القوانين التي يمكن تطبيقها اما هذا القانون فمهزلة

  35. زعلانين اوى علشان المدرس الغلبان الى بيدخلوا الف جنيه ونسيتم ان المدرسين اصلا مش بتشرح فى المدارس والى بيعذب التلاميذ علشان يجبرهم على الدروس والى بيدخلوا فى الحصة فوق 10000جنيه انا اعرف واحد فى حصة المراجعة دل حصة بيعدى ربع مليون جنيه دا بياجر سينما تلك الايام ونسيتم الاباء منهم الى شغال على ذراعه وليس له دخل ثابت اصلا وكل المدرسين بينهشوا فى لحمه وغيره كتير والمدرس الى مش عاجبه يسيب المكان لغيره يمكن البلد يطلع فيها مدرسين بيفهموا
    واخيرا لاأعتقد اصلا ان عندهم القدرة على تنفيذ هذا القانون لان المافيا فى المدسين كتير حتى لايتعلم الجيل ولا يتعلم الا اصحاب الاموال الى بيقدروا على الدروس

التعلقات

جميع حقوق النشر محفوظة
التخطي إلى شريط الأدوات